Информатизация

     У адукацыйным працэсе выкарыстоўваецца 10 ноўтбукаў,  2 мультыборды, 5 МФУ, 10 тэлевізараў. Для арганізацыі навучання інфарматыцы выкарыстоўваюцца 6 камп’ютараў камп’ютарнага класа.   Сацыяльны стандарт па забяспячэнні камп’ютарнай тэхнікай выконваецца, маецца доступ у Інтэрнэт, дзейнічае сайт установы. Матэрыялы своечасова абнаўляюцца, змястоўна напаўняюцца. Педагагічныя работнікі пастаянна папаўняюць метадычную скарбонку электронных вучэбна-метадычных дапаможнікаў, 98 % педагогаў установы выкарыстоўваюць у працы ІКТ. Уведзены ў практыку работы інфармацыйны рэсурс “Электронны журнал / электронны дзённік” на платформе Schools.by.

Дзейнічае сайт установы адукацыі, які папаўняецца ўласнымі напрацоўкамі педагагічных работнікаў; настаўнікі, выхавальнікі дашкольнай адукацыі маюць магчымасць карыстацца воблакам установы адукацыі. Своечасова абнаўляецца інфармацыя ў базе “Інфарматызацыя”.                                            У электронным выглядзе запаўняецца базы дадзеных “Дзяржзаказ і прыём”, “Паляпшэнне ўмоў працы”, “Статыстычныя дадзеныя ПКШ”, “Улік устаноў агульнай сярэдняй адукацыі”, база “Пропускі”, “Кадры” і іншыя.

З мэтай ажыццяўлення хуткай і якаснай работы па абмене інфармацыяй створана воблачнае асяроддзе ўстановы адукацыі “Школа: дасягненні, вынікі”.

Традыцына навучэнцы прымаюць актыўны ўдзел у дыстанцыйных інтэлектуальных конкурсах і алімпіядах на рэспубліканскім, абласным                       і  міжнародным узроўнях. У 2022/2023 навучальным годзе навучэнцы  ІІІ класа сталі прызёрамі (дыпломы ІІІ ступені) міжрэгіянальных конкурсаў на платформе “ЯКлас” па беларускай мове (Скалабан С., Шчарбачэня І.; настаўнік Кунцэвіч Г.М.) і па англійскай мове (Курда Я.; настаўнік Салаўёва Т.В.), навучэнцы ІV класа (настаўнік Зяневіч В.В.) адзначаны дыпломамі                        І ступені і граматамі ў рэспубліканскім конкурсе па АБЖ “Ведай. Умей. Дзейнічай.”, дыпломам І ступені ў рэспубліканскім конкурсе “ЗнаТаКі”, навучэнцы V класа прынялі выніковы ўдзел (дыплом ІІ ступені Ішчанка М., Катэнка Я., дыплом ІІІ ступені Шчарбачэня М.)   у міжрэгіянальным конкурсе па вучэбным прадмеце “Чалавек і свет” на платформе SkyBel (настаўнік Кунцэвіч К.М.), навучэнец VIII класа Астахаў Н. атрымаў сертыфікат                             па выніках удзелу ва ўсебеларускай геаграфічнай дыктоўцы.

Даведачна. Усяго ў міжнародных конкурсах і алімпіядах прынялі ўдзел 127 навучэнцаў: з іх атрымалі дыпломы І ступені – 15 вучняў, дыпломы ІІ ступені – 23 вучні, дыпломы ІІІ ступені – 20 вучняў (настаўнікі Зяневіч В.В., Салаўёва Т.В., Гохар В.А., Сеўрук К.А., Кунцэвіч Г.М., Галоўчык А.К.).

У рамках работы над праектам абласнога ўзроўню “Павышэнне якасці адукацыі праз прымяненне дыстанцыйных адукацыйных тэхналогій у практыцы работы педагога ўстановы адукацыі, размешчанай у сельскай мясцовасці” у практыку работы ўкаранён сервіс “Электронны журнал/электронны дзённік”, створана воблачнае асяродзяе ўстановы адукацыі, распрацаваны інтэрактыўныя карткі па рускай мове, інтэрактыўныя заняткі па англійкай і нямецкай мове, па вучэбных прадметах у пачатковых класах.

У 2023/2024 навучальным годзе неабходна прадоўжыць работу                                            па прыцягненні спонсарскіх сродкаў, якія садзейнічаюць набыццю электронных вучэбных выданняў (менавіта камп’ютарных тэставых праграм), камп’ютарных праграм па падрыхтоўцы да цэнтралізаванага тэсціравання, сучаснаму афармленню інфармацыйнай прасторы кабінетаў гісторыі, матэматыкі, беларускай мовы і літаратуры, хіміі і біялогіі, абсталявання                            ў сталовай, кабінеце абслуговай працы. Неабходн распрацаваць і прымяняць                      у практыцы работы дыягнастычную карту прафесійнага росту, арганізаваць работу віртуальных кабінетаў па вучэбных прадметах; прадоўжыць работу                     па павышэнні ўзроўню метадычных кампетэнцый педагагічных работнікаў праз арганізацыю і правядзенне адкрытых вучэбных, факультатыўных заняткаў з выкарыстаннем электронных адукацыйных рэсурсаў.

Нормативные документы по информатизации